Philip Newton's journal

Here's how the book spelled it. Some of the spelling and/or words may well be old-fashioned.

Ħadd ma jista’ jfisser it-taħbila ta’ moħħ li jiena ħassejt, x’ħin għereqt
fl-ilma; għalliex għadilli kont naf ingħum tajjeb wisq, iżda ma stajtx
ninqala’ mill-mewġa biex nieħu n-nifs, sa kemm fl-aħħar intfajt ew biex
ingħid aħjar tkarkart fuq ix-xtajta, u bqajt hemma nofs mejjet bl-ilma
li blajt. Jien x’nagħmel? Meta rajtni fix-xott, uqaft fuq riġlejja, u tlaqt
niġri kemm għandi ħila għal ġewwa l-art, qabel ma tiġi x mewġa oħra u
teħodni magħha; imma kollu kien għal xejn, għax ġiet il-mewġa kif ħsibt,
u narġa’ nsibni taħt xi għaxart iqjiem ilma. Issa iva ħassejtni sejjer
ninqasam billi ridt inżomm nifs twil, iżda minn wara tlajt fil-wiċċ u ħadt
in-nifs. Domt hekka nissara mal-mewġ daqs darbtejn tlieta oħra, sama
ġiet waħda li sabbtetni tisbita ma’ blata, u ħallietni barra minn sessija;
imma billi issa kont dħalt wisq ġewwa l-art, wara ftit li ħadt ir-ruħ,
tlajt fix-xott sewwa u mteddejt fuq il-ħaxix, minn għajr biża’ li jilħaqni
iżjed il-baħar.